ಭಜಿಸಿ ರಮಣನಾಮವನು

ಸುಖದಲಿ ರಮಣನಾಮ ಕೊಡುವುದು ಭಕುತಿಯನು
ದುಃಖದಲಿ ರಮಣನಾಮ ಕೊಡುವುದು ಶಕುತಿಯನು
ಭಕುತಿ-ಶಕುತಿಗಳ ನಡುವೆ ಕೊಡಲಿ ರಮಣನಾಮ ಮುಕುತಿಯನು
ಕೊಡಲಿ ರಮಣನಾಮ ಮುಕುತಿಯನು!

ಭಯಭೀತಿಯಲಿ ರಮಣನಾಮ ಕೊಡುವುದು ಧೈರ್ಯವನು
ಕುಗ್ಗಿದಾಗ ಸಂಸಾರದಲಿ ರಮಣನಾಮ ಕೊಡುವುದು ಸ್ಥೈರ್ಯವನು
ಧೈರ್ಯ-ಸ್ಥೈರ್ಯಗಳ ನಡುವೆ ಕೊಡಲಿ ರಮಣನಾಮ ಜ್ಞಾನಾಭ್ಯುದಯವನು
ಕೊಡಲಿ ರಮಣನಾಮ ಜ್ಞಾನಾಭ್ಯುದಯವನು!

ನಿನ್ನ ನಾಮಸ್ಮರಣೆಗಿಂತ ಸಿಹಿಯಾದದ್ದು ಬೇರೊಂದಿಲ್ಲ
ನಿನ್ನ ನಾಮಸ್ಮರಣೆಯೊಂದಿದ್ದರೆ ಬೇರೇನೂ ಬೇಕಿಲ್ಲ
ಸಂಸಾರದ ಬೇಕು-ಬೇಡಗಳ ನಡುವೆ ಕೊಡಲಿ ರಮಣನಾಮ ಶರಣಾಗತಿಯನು
ಕೊಡಲಿ ರಮಣನಾಮ ಶರಣಾಗತಿಯನು!

ತ್ಯಜಿಸಿ ದೇಹಾಭಿಮಾನವನು ಭಜಿಸಿ ರಮಣನಾಮವನು!
ಭಜಿಸಿ ರಮಣನಾಮವನು! ಭಜಿಸಿ ರಮಣನಾಮವನು!!
ಪಡೆಯಿರಿ ಕೃಪಾಕಟಾಕ್ಷವನು ಭಜಿಸಿ ರಮಣನಾಮವನು!
ಭಜಿಸಿ ರಮಣನಾಮವನು! ಭಜಿಸಿ ರಮಣನಾಮವನು!!